O próximo 3 de febreiro, na Casa Consistorial de Carnota, realizarase o acto oficial de presentación do Congreso de Desenvolvemento MODELO. Este acto estará presidido por Andrés Hermida Tratoy, Director Xeral de Promoción do Emprego, e contará coa presenza de Maite Cancelo Marquéz, Directora Xeral de BIC Galicia, dos alcaldes de Carnota, Corcubión e Vimianzo, de Ricardo Garcia Mira, profesor da facultade de Psicoloxía e membro do comité científico do congreso, e de Lola Pena e María Jiménez, presidenta e secretaria de Afiprodel.
No acto presentarase o programa e as actividades do congreso e daranse a coñecer as comunicacións seleccionadas de entre as recibidas para ser expostas no congreso.
O acto, que se iniciará ás 12:30, está aberto a todas as persoas que desexen asistir.