Proxecto Ciencia no Camiño: presentación (APRAZADO)

ACTIVIDADE APRAZADA

A Asociación Galega de Profesionais do Desenvolvemento Local (Afiprodel), a Fundación Uxío Novoneyra, o Grupo de Innovación Docente XuvenCiencia do Campus de Lugo da Universidade de Santiago (USC) e o Grupo de Estudos Territoriais da Universidade da Coruña (UdC) botan a andar este venres, 15 de xaneiro (de 10.00 a 14.00 horas), o proxecto «Ciencia no Camiño», incluído dentro da convocatoria O Teu Xacobeo.

Será cunha sesión de lanzamento que terá lugar na Casa do Saber da Vicerreitoría do Campus de Lugo da USC.

A actividade comezará cunha presentación de ‘Ciencia no Camiño’ aos responsables políticos (Vicepresidencia e Consellería de Educación e Cultura da Xunta, Deputación e Concello de Lugo) e rematará cun grupo de discusión no que participarán Lourdes G. Sotelo, profesora do CPI Uxío Novoneyra do Courel; Manuel Vicente, divulgador científico ao cargo do programa Efervesciencia da Radio Galega, e Martín López Nores, enxeñeiro e tecnólogo implicado en proxectos turísticos científico-culturais.

PROGRAMA
10.00 horas. Chegada das persoas integrantes do proxecto á Casa do Saber.
10.30 horas. Presentación ás autoridades de ‘Ciencia no Camiño’. Están convidados: Vicepresidencia da Xunta, Consellería de Educación e Cultura e Comisariado do Xacobeo, Deputación de Lugo e Concello de Lugo.
-Benvida da vicerreitora de Coordinación do Campus de Lugo da USC.
-Intervención de Rosa Sánchez, secretaria xeral de Afiprodel.
-Presentación a cargo de Uxío Novo, da fundación Uxío Novoneyra.
11.00 horas. Foto de grupo no exterior da Casa do Saber, entre a muralla e a catedral de Lugo, fitos do Camiño Primitivo a Santiago. Atenderase aos medios de comunicación.
12.00 a 14.00 horas. Grupo de discusión. Interveñen:
-Lourdes G. Sotelo, profesora do CPI Uxío Novoneyra do Courel.
-Manuel Vicente, divulgador científico e responsable do programa Efervesciencia da Radio Galega e a USC.
-Martín López Nores, enxeñeiro e tecnólogo implicado en proxectos científico-humanistas e científico-turísticos.